Pink Floyd сабрала 500 тысячаў фунтаў для падтрымкі ўкраінцаў
11- 25.12.2022, 21:15
- 5,334
Грошы паступяць у некалькі гуманітарных фондаў.
Брытанскі рок-гурт Pink Floyd сабраў на падтрымку Украіны больш за 500 тысячаў фунтаў стэрлінгаў – ад продажу сінгла Hey, Hey, Rise Up. Грошы паступяць у некалькі гуманітарных фондаў. Сінгл быў запісаны супольна з лідарам украінскага гурта «Бумбокс» Андрэем Хлыўнюком.
Прэм'ера кліпа адбылася ў YouTube 7 красавіка. З таго часу яго паглядзелі больш за 11 мільёнаў чалавек.
Кампазіцыю запісалі Дэвід Гілмар і Нік Мэйсан, якія гралі ў Pink Floyd на піку папулярнасці гурта. У стварэнні кліпа таксама ўдзельнічалі рэжысёр Ніцін Соўні і бас-гітарыст Гай Прат
У Hey, Hey, Rise Up Pink Floyd аранжыравалі ўкраінскую песню «Ой, у лузі червона каліна» (Червона каліна), якую праспяваў Андрэй Хлыўнюк. Акрамя таго, ва ўступе выкарыстаны запіс песні ў выкананні Нацыянальнага хору Украіны імя Рыгора Вяроўкі.
Pink Floyd would like to thank everyone who has supported Hey, Hey, Rise Up. The single, recorded on 30th March with Andriy Khlyvnyuk of the Ukrainian band Boombox, has so far raised over £450,000 to help alleviate the suffering of the Ukrainian people.
— Pink Floyd (@pinkfloyd) December 23, 2022
pic.twitter.com/NqO71NAhaO
