Арастовіч пра калону, якая ішла на Кіеў: Ходзяць пешшу па сёлах, паліва няма
14- 13.03.2022, 21:48
- 30,468
Войскі РФ не пагражаюць украінскай сталіцы.
Дарадца кіраўніка Сядзібы прэзідэнта Украіны Аляксей Арастовіч расказаў, што пагрозы для Кіева цяпер няма і найбліжэйшым часам не праглядаецца.
Пра гэта паведамляе РБК-Украіна са спасылкай на словы Арастовіча ў эфіры тэлемарафона UAразам.
"Пра Кіеў можна не хвалявацца наогул. Усе сілы, якія накіроўваліся на Кіеў, былі разбітыя. Яны сталі ў абарону. Цяпер ходзяць пешшу па сёлах, бо рухацца не могуць, бо паліва няма", - паведаміў Арастовіч аб сітуацыі ў сталіцы.
Ён падкрэсліў, што цяпер пагрозы для Кіева няма.
"Пагрозы беспасярэдне Кіеву няма і найбліжэйшым часам не праглядаецца. Гэтак жа Харкаў, Сумы, Чарнігаў", - дадаў дарадца кіраўніка АП.