Разблакаванне ўкраінскіх марскіх портаў штомесяц будзе прыносіць Украіне да $ 1 млрд

Аб гэтым паведамілі ў Міністэрстве інфраструктуры Украіны.

Падпісанае 22 ліпеня ў Турцыі пагадненне аб разблакаванні ўкраінскіх марскіх портаў у Чорным моры дасць магчымасць Украіне зарабляць амаль $ 1 млрд валютнага даходу штомесяц. Пра гэта намеснік міністра інфраструктуры Украіны Мустафа Наем паведаміў у Telegrаm.

"У Стамбуле падпісаныя дамоўленасці аб разблакаванні трох украінскіх партоў Адэсы, Чарнаморска і Південнага для вывазу збожжа і прадуктаў харчавання. Гэта магчымасць для аграрыяў вывезці сёлетні ўраджай і мець сродкі для падрыхтоўкі да наступнай сяўбы. Акрамя таго, гэта амаль $1 млрд валютнага даходу штомесяц, якія пойдуць на падтрымку эканомікі ды Узброеных сіл Украіны", - напісаў ён.

Намеснік міністра інфраструктуры падкрэсліў, што "гэта не акт добрай волі расейцаў, гэта вымушаная саступка акупантаў, якія не змаглі ўтрымаць Змяіны востраў і вымушаны адступіць перад пагрозай сусветнага голаду".

Наем растлумачыў, што падпісаны дакумент будзе цалкам апублікаваны і ён не змяшчае "паперак на калене"; "ніводнага подпісу ўкраінскай стараны поруч з подпісам акупантаў не стаіць"; а разблакаванне портаў не прадугледжвае паслаблення антырасейскіх санкцый.