Бункер не выратуе Пуціна

Кіраўнік Крамля ў аблозе.

Да Пуціна нарэшце дайшло, што бункер яго не выратуе. І доўгі стол бескарысны, калі табой заняліся сур'ёзна. У адрозненне ад абывацеляў і журналістаў, сам ён дырэктара CIA Уільяма Бёрнса напэўна зразумеў дакладна. "Шмат ходзіць чутак пра здароўе прэзідэнта Пуціна. Але, наколькі мы можам меркаваць, ён занадта здаровы", - гэтыя словы сапраўды пра здароўе, але Пуціну яны не зычаць нічога добрага. Засталося яму ў такім разе нядоўга.

Ёсць шмат тэхналогій, якія дазваляюць разбурыць цялеснае здароўе, уздзейнічаючы на псіхіку. Штучны інтэлект зрабіў гэтыя магчымасці заходніх спецслужбаў бязмежнымі. Маючы псіхалагічны профіль чалавека (а пад Пуціна ён, натуральна, створаны), дастаткова задаць мэту і атрымліваеш набор развязак, якія дазваляюць дамагчыся выніку. Можна абкласціся аховай, гадзіць у спецкуфар і піць з звыштаемнага кубка з гербам, перад псіхіятрам ты - як на далоні.

Зусім нечаканыя рэчы могуць несці ў сабе разбуральны эфект. У словах Вайно або Кірыенкі, у артыкуле "Известий", размове падчас нарады можа змяшчацца фраза або пасланне, якое выведзе з сябе, пазбавіць псіхалагічнай раўнавагі. Да ворага не патрэбны фізічны доступ, каб яго знішчыць. Уздзейнічаць на нездаровую псіхіку псіхапата досыць лёгка на адлегласці.

Тое, што бункер дае ізаляцыю - самападман. У свеце сучасных тэхналогій можна знайсці подступ да каго хочаш. Кожны чалавек з асяродку нясе ладунак негатыву, які руйнуе псіхіку. Пуцін нэрвуецца, гэта прыкметна. Ён у аблозе. Стрэс разбурае, а схавацца - немагчыма, кінуцца - няма куды. Пазбавіць сябе ўсіх кантактаў не выйдзе нават у бункеры. Адзіны надзейны спосаб самаізаляцыі - гэта самагубства. Усё ўжо было ў гісторыі. Усё паўтараецца.

Леанід Неўзлін, Telegram