Навукоўцы расказалі, у які бок сабакі віхляюць хвастом, калі чалавек ім падабаецца

Навукоўцы выявілі і адваротную заканамернасць.

Сабакі віхляюць хвастом у правы бок, калі бачаць знаёмых людзей - да такой высновы прыйшлі даследчыкі Кітайскай акадэміі навук. Праца навукоўцаў была апублікаваная ў часопісе iScience.

У даследаванні з дапамогай сістэмы сачэння за рухамі была прааналізаваная 21000 віхлянняў хвастом 10 бігляў. Сабакі на працягу трох дзён сустракаліся з незнаёмцамі, якія добра з імі абыходзіліся: гладзілі, гулялі і давалі прысмакі.

У той час як сабакі пазнавалі чалавека часцей, яны пачыналі больш віхляць хвастамі направа, чым налева. Вядучы даследчык доктар Юн К'ю Чжан мяркуе, што правабаковае віхленне звязанае з актывацыяй левай прыфрантальнай кары мозгу, у якой апрацоўваюцца станоўчыя эмоцыі.

Навукоўцы выявілі і зваротную заканамернасць: пры актывацыі правай прыфрантальнай кары сабакі віхляюць хвастом налева. Гэта сведчыць аб тым, што яны насцярожаныя і не давяраюць чалавеку.