Расейцы адмаўляюцца падпісваць кантракты з Мінабароны РФ
8- 23.07.2022, 21:42
- 9,666
Пра гэта паведамляе ўкраінская выведка.
Грамадзяне Расеі адмаўляюцца падпісваць кантракты з Міністэрствам абароны РФ. Пра гэта паведаміў прадстаўнік Галоўнай управы выведкі Міністэрства абароны Украіны Кірыл Скібіцкі.
"Калі першыя месяцы той жа самы БАРС - "баявы вайсковы склад гэтай краіны", як яны называюць, даволі актыўна прыцягваўся і мы ведаем, як ішло ды ідзе фармаванне гэтых батальёнаў, - то цяпер мы ведаем, ужо ёсць прыкметы таго, што грамадзяне Расеі адмаўляюцца падпісваць кантракты. Тыя, якія знаходзяцца ў БАРС, (адмаўляюцца) падпісваць кантракты на праходжанне службы, бо яны разумеюць - яны адразу будуць накіраваныя да нас, на ўкраінскую тэрыторыю для вядзення баявых дзеянняў", - растлумачыў ён.
На пытанне, дзе ў Расеі больш за ўсё адмаўляюцца ад падпісання кантрактаў, Скібіцкі зазначыў, што гэта перш за ўсё залежыць ад таго, у якіх падраздзяленнях найбольшыя страты.
- Проста людзі не жадаюць падаўжаць кантракт, і яго скасоўваюць. Бо юрыдычна вайны няма, ёсць "спецыяльная аперацыя", якая дазваляе па вяртанні ў сваё падраздзяленне не падаўжаць кантракт. І тут юрысты, як кажуць, ім наадварот падказваюць, як гэта правільна зрабіць. Бо калі б была вайна, гэта была б зусім іншая адказнасць за невыкананне загаду, – параўнаў прадстаўнік ГУВ.