Фінскія мытнікі канфіскуюць у расейцаў еўры на мяжы
17- 1.09.2022, 21:05
- 13,444
ЕЗ забараніў увоз у Расею банкнотаў еўраў у сакавіку.
Мытня Фінляндыі ў чацвер пацвердзіла, што ў адпаведнасці з санкцыямі Еўрапейскага Звязу супраць Расеі канфіскуе еўры ў расейскіх турыстаў, якія вяртаюцца дадому.
Пра гэта паведамляе Yle.
Напярэдадні расейскае выданне "Фантанка" расказала пра некалькі выпадкаў канфіскацыі грошай гатоўкай падчас перасячэння мяжы Фінляндыі з Расеяй у расейцаў.
Адзін з іх расказаў, што мытнікі прапаноўвалі яму або перадаць канфіскаваныя грошы любому, хто едзе ў Фінляндыю, або пакінуць на захоўванне ў пункце пропуску і забраць пры паўторным уездзе ў краіну, паколькі тэрмін захоўвання не абмежаваны.
Галоўны мытны інспектар Ярка Кескінен пацвярджае, што грошы гатоўкай у расейцаў на мяжы канфіскуюць на падставе санкцый, уведзеных ЕЗ у дачыненні да Расеі праз вайну ва Украіне.
"Экспарт афіцыйнай валюты ЕЗ у Расею забаронены санкцыйным рэгламентам", – адзначае ён і ў той самы час дадае, што магчымасці захоўваць грошы ў пункце пропуску ў грамадзянаў РФ няма.
Нагадаем, яшчэ ў сакавіку Еўрапейскі Звяз забараніў увоз у Расею банкнотаў еўраў.