Міхаіл Баярскі перанёс інфаркт

Яго перавялі ўжо з рэанімацыі ў звычайную палату.

Расейскі актор Міхаіл Баярскі перанёс інфаркт, ён ужо знаходзіцца ў звычайнай палаце, паведаміў РБК ягоны сын Сяргей Баярскі.

«Бацька перанёс інфаркт, сёння ўжо пачуваецца нядрэнна, размаўляў з ім праз тэлефон, голас бадзёры, знаходзіцца ў звычайнай палаце. Дзякуй за турботу» – расказаў ён.

У Тэатры імя Ленсавета агенцтву заявілі, што актор «планава шпіталізаваны».

Пра шпіталізацыю актора паведамілі пецярбургскі канал «78» і тэлеграм-канал «112». Паводле іх звестак, 73-гадовы Баярскі знаходзіцца ў Марыінскай лякарні, яго ўжо перавялі з рэанімацыі ў звычайную палату.