Заданне нумар 1: вайсковы эксперт назваў ключ да заканчэння вайны ва Украіне

Сярод іншага Украіне трэба не дапусціць аднаўлення Керчанскага моста.

Амэрыканскі генерал Бэн Ходжэс упэўнены, што Украіна зможа вызваліць Крым улетку 2023 года. Прагноз Ходжэса супадае з версіяй кіраўніка ГУВ МА Украіны Кірылы Буданава.

Пра гэта расказаў украінскі вайсковы эксперт Алег Жданаў. Ён нагадаў, што Буданаў таксама выказваў тэзу аб тым, што УСУ змогуць вярнуць Крым ужо ўлетку 2023 года.

Са слоў Жданава, былы начальнік войска ЗША ў Еўропе Бэн Ходжэс адзначае ролю акупаванага паўвострава ў вайне Расеі супраць Украіны.

- Крым становіцца задачай нумар 1. Нават не Данбас, а менавіта Крым. Бо з вызваленнем Крыма ўсё астатняе траціць сэнс, і ўся абарона Расеі проста ўпадзе ў адзін момант, - падкрэсліў вайсковы эксперт.

Паводле ягоных слоў, акупантам застанецца спадзявацца толькі на тое, што яны паспеюць уцячы з украінскай тэрыторыі. Але ўкраінскія вайскоўцы пастараюцца гэта прадухіліць.

Жданаў працытаваў Бэна Ходжэса, які мяркуе, што УСУ маюць заняцца Крымам усімі магчымымі сродкамі і пачаць разбурэнне лагістыкі акупантаў на тэрыторыі акупаванага паўвострава.

- Сярод іншага трэба не толькі не дапусціць аднаўлення Керчанскага моста, а дабіць яго да канца, каб спыніць які-небудзь рух па гэтым мосце. Гэта будзе цэль нумар 1, - сказаў вайсковы эксперт.

Ён дадаў, што трэба ператварыць Крым у сапраўдную паўвыспу. Размова ідзе аб тым, што пасля разбурэння Крымскага моста фактычна адзіны шлях у Крым будзе пралягаць праз тэрыторыю Украіны.

Жданаў заўважыў, што паромнае злучэнне з Расеяй можна не браць у разлік, бо яны не забяспечыць такія аб'ёмы паставак, якія патрэбныя акупантам.

- Пагатоў па пароме таксама можна нанесці ракетны ўдар і спыніць яго функцыянаванне на тэрыторыі паўвыспы, - сказаў вайсковы эксперт.

Калі Крым будзе адцяты фактычна ад усіх шляхоў забеспячэння, то, паводле слоў Жданава, паўвостраў стане пасткай для расейскіх акупантаў.

Вызваленне Крыма - ключ да заканчэння вайны

Далей, са слоў вайсковага эксперта, украінскія вайскоўцы маюць метадычна наносіць удары па вайсковых аб'ектах ворага на тэрыторыі Крыма, у тым ліку:

- базах захоўвання,

- вайсковых часцінах,

- аэрадромах,

- сістэме расейскай СПА.

Жданаў адзначыў, што УСУ змогуць знішчаць аб'екты ворага з прыцягненнем заходняй авіяцыі. Ён дадаў, што пад лета Украіна будзе мець дастатковую колькасць самалётаў, а таксама ракет малой і сярэдняй далёкасці.

- А далей можна заходзіць у Крым асноўнымі сіламі наземных войскаў. Гэта будзе ключом да заканчэння вайны, - падкрэсліў Жданаў.