Кошт газу ў Еўропе апусціўся ніжэй за $350 за тысячу кубаметраў

Упершыню за два гады.

Біржавыя кошты газу ў Еўропе падчас гандлю зніжаліся на 3 адсоткі. Кошт газу апусціўся ніжэй за $350 за тысячу кубаметраў упершыню за два гады. Пра гэта сведчаць звесткі біржы Intercontinental Exchange (ICE).

На стан 10:44 паводле кіеўскага часу, кошты ф'ючэрсаў паводле індэксу TTF упалі на 1,91% да ўзроўню $348 за 1 тыс. куб. Такая дынаміка з'яўляецца адлюстраваннем коштаў у папярэдні гандлёвы дзень, калі газ ацэньваўся на $357,8 за тысячу кубаметраў.

Зніжэнне коштаў адбылося на фоне анамальна цёплай зімы ў еўрапейскіх краінах і высокай запоўненасці газавых сховішчаў.