Зяленскі: Брыгады абароны галоўныя стратэгічныя задачы выканалі

Прэзідэнт Украіны правёў пасяджэнне ваеннага кабінета.

Прэзідэнт Украіны Уладзімір Зяленскі ўвечары 18 траўня правёў паседжанне ваеннага кабінета. Пра гэта ён паведаміў падчас свайго відэазвароту.

Украінскі лідар расказаў, што ваенны кабінет – гэта «асаблівы фармат працы ў вузкім коле з тымі, хто адказвае за абарону дзяржавы».

Паводле словаў Зяленскага, на пасяджэнні былі камандзіры ключавых кірункаў фронту, галоўны камандзір УСУ Валерый Залужны, Генштаб, выведка і тыя, хто адказвае за бяспеку.

«Першае: брыгады абароны – малайцы, галоўныя стратэгічныя задачы выканалі, дэталі цяпер не час паведамляць. Другое: брыгады наступу – малайцы, рыхтуемся, без дэталяў. Трэцяе: датычна абароны цывільных асобаў – Паветраныя сілы – малайцы», – адзначыў прэзідэнт.

Ён дадаў, што прыярытэты на гэты тыдзень, наступны і найбліжэйшы час у цэлым – дадатковыя сістэмы СПА, дадатковыя ракеты, вучэнні і самалёты, дальнабойная зброя.

«І гэта будзе», – коратка падсумаваў кіраўнік украінскай дзяржавы.