Лукашэнка прызнаў праблемы ў стасунках з Расеяй

Дыктатар заявіў пра «нестыкоўкі».

Аляксандр Лукашэнка прызнаў наяўнасць праблемаў у беларуска-расейскіх стасунках. Гэтую тэму абмеркавалі падчас комплекснага даклада амбасадара Беларусі ў Расеі Дзмітрыя Крутога, паведаміла прэс-служба дыктатара.

Лукашэнка заўважыў, што ў беларускім урадзе дакладваюць, што «амаль няма ніякіх праблемаў» паміж Беларуссю і Расеяй. Аднак дыктатар сам у гэтым сумняваецца.

– Я ў гэта мала веру. Я бачу з сітуацыі, што ўсё ж такі праблемы ёсць, нестыкоўкі нейкія, – заявіў ён.