26 лютага 2024, панядзелак, 14:12
Падтрымайце
сайт
Сім сім,
Хартыя 97!
Рубрыкі

Зяленскі дамовіўся абмеркаваць стварэнне кааліцыі самалётаў на «Рамштайне»

Зяленскі дамовіўся абмеркаваць стварэнне кааліцыі самалётаў на «Рамштайне»

Прэзідэнт Украіны правёў перамовы з лідарамі еўрапейскіх краінаў.

Прэзідэнт Украіны Уладзімір Зяленскі правёў перамовы з лідарамі еўрапейскіх краінаў. Сярод іншага было ўзнятае пытанне пра стварэнне кааліцыі баявых самалётаў.

Пра гэта паведамляе РБК-Украіна са спасылкай на кіраўніка дзяржавы ў Telegram.

Паводле ягоных словаў, у ходзе перамоваў абмяркоўваліся пытанні, звязаныя з пачаткам трэніроўкі ўкраінскіх пілотаў на самалётах F-16 і іншых тыпаў.

«Дамовіліся пасля кансультацый з амерыканскім бокам прадоўжыць працу над афіцыйнай пастановай аб стварэнні кааліцыі баявых самалётаў “Нябеснага шчыта Украіны” на наступнай сустрэчы ў фармаце “Рамштайн”», – напісаў Зяленскі.

Таксама лідары абмеркавалі пытанні будучых паставак самалётаў і стварэння неабходнай для іх інфраструктуры.

Адзначым, што дакладная дата чарговай сустрэчы ў фармаце «Рамштайн», на якой хаўруснікі Украіны абмяркоўваюць вылучэнне ваеннай дапамогі, пакуль невядомая. Пры гэтым папярэдняя такая сустрэча адбылася 25 траўня.

Напісаць каментар

Таксама сачыце за акаўнтамі Charter97.org у сацыяльных сетках