Па Менску прайшла шматлюдная працэсія Божага Цела
5- 11.06.2023, 21:57
- 21,752
Фотарэпартаж.
У нядзелю 11 чэрвеня па вуліцах Менска прайшла традыцыйная эўхарыстычная працэсія. Фотарэпартаж публікуе Catholic.by.
Раніцай духавенства і вернікі з усіх парафій беларускай сталіцы сабраліся ля касцёла Найсвяцейшай Тройцы (святога Роха) на Залатой Горцы.
На палявым алтары, устаноўленым побач з залатагорскай святыняй, адбылася святая імша, якую ўзначаліў Апостальскі нунцый у Беларусі арцыбіскуп Антэ Ёзіч. Разам з прадстаўніком Папы Францішка ў нашай краіне маліліся мітрапаліт Мінска-Магілёўскі арцыбіскуп Юзаф Станеўскі, генеральныя вікарый архідыяцэзіі біскупы Юрый Касабуцкі і Аляксандр Яшэўскі SDB, а таксама больш за два дзясяткі пастыраў, якія нясуць служэнне ў сталіцы, у тым ліку і з грэка-каталіцкай суполькі.