ЦНС: Талай непасрэдна арганізуе вываз дзяцей з Украіны

Беларускі паралімпіец датычны да дэпартацыі.

Чалец нацыянальнай паралімпійскай зборнай каманды Беларусі Аляксей Талай дапамагае расейцам незаконна вывозіць дзяцей з часова акупаваных тэрыторый Украіны.

Пра гэта паведаміў Цэнтр нацыянальнага супраціву.

Паводле звестак ЦНС, Аляксей Талай з'яўляецца генеральным дырэктарам расейскага дабрачыннага фонду «Павер у сябе». Ён таксама вядомы як майстар спорту ў плаванні.

Ён непасрэдна арганізуе вываз дзяцей з часова акупаваных тэрыторый усходу Украіны ў Рэспубліку Беларусь, сцвярджаюць у цэнтры.