Беларусаў чакае рэзкае пахаладанне

На наступным тыдні краіну накрые моцны снегапад.

Сіноптык Дзмітры Рабаў папярэдзіў пра няўстойлівы характар надвор'я ў Беларусі з 22 да 28 студзеня. Ён адзначыў, што ў пачатку тыдня захаваецца марознае надворʼе, аднак пазней атмасферныя франты з Заходняй Еўропы прынясуць больш цёплае і вільготнае паветра праз што маразы пачнуць слабець, а снег зменіцца на мокры снег з дажджом. Акрамя таго, дадаў сіноптык, сярэдняя тэмпература будзе вышэйшай за кліматычную норму.

Рабаў сказаў, што на пачатку тыдня будзе воблачнае надворʼе. У панядзелак, 22 студзеня, па паўночна-заходняй частцы, а ў аўторак, 23 студзеня, у большасці раёнаў краіны чакаецца мокры снег. Месцамі прагназуецца туман, на ўчастках дарог галалёдзіца. Вецер будзе паўднёва-заходні, паўднёвы, парывісты, часам моцны парывісты. Уначны 21 студзеня будзе ад -3 па захадзе і да -12 па ўсходзе. Удзень чакаецца ад 0 да -5. У аўторак, 22 студзеня, уначы прагназуецца 5 градусаў, а ўдзень – ад -2 да +1 градуса.

Сіноптык адзначыў, што ўжо ў сярэдзіне тыдня ў Беларусь пачне паступаць цёплая паветраная маса з паўднёва-заходняй часткі Еўропы. Па захадзе краіны ўначы, а ўдзень на ўсёй частцы чакаюцца моцныя ападкі ў выглядзе мокрага снегу з дажджом. Месцамі магчымы слабы галалёд, на дарогах галалёдзіца. Вецер будзе паўднёва-заходні, парывісты. Уначы 24 студзеня, у сераду, тэмпература паветра складзе ад -2 да +2, а ўдзень – да +3 градусаў.

Са слоў Рабава, згодна з папярэднім прагнозам, у пачатку другой паловы тыдня надворʼе ў краіне прадоўжыць вызначаць цыклон, цэнтр якога знаходзіцца над цэнтральнымі рэгіёнамі Расеі.

Так, у чацвер, 25 студзеня, на большай частцы, а ў пятніцу па ўсходзе Беларусі пройдзе снег, мокры снег. Вецер будзе заходні, умераны, часам парывісты. У чацвер, 25 студзеня, уначы чакаецца каля 0, а ўдзень – ад 0 да +3 градусаў. У пятніцу, 26 студзеня, уначы будзе ад -2 да -7 градусаў, а ўдзень – ад +1 да -3.

У апошнія выходныя студзеня, дадаў сіноптык, рэзка пахаладае праз вільготнае паветра з поўначы. Прагназуецца невялікі снег. Вецер будзе паўночны, паўночна-заходні, а часам парывісты.

У суботу, 27 студзеня, уначны будзе ад -4 па захадзе і да -11 градусаў па паўночна-ўсходняй частцы. Удзень прагназуецца ад -3 градусаў. У нядзелю, 28 студзеня, удзень прагназуецца ад -2 да -8.