У Белгарадзе раздалася серыя магутных выбухаў

Расейцы заявілі аб масваным абстрэле “Вампірамі”.

Раніцай у чацвер, 21 сакавіка, у Расеі заявілі аб чарговым нападзе на Белгарад і вобласць, паведамляе УНІАН.

У Мінабароны РФ пры гэтым традыцыйна зрабілі справаздачу аб спыненні "спробы" абстрэлу з рэактыўнай сістэмы залпавага агню RM-70 "Вампір": "Дзяжурнымі сродкамі СПА дзесяць рэактыўных набояў знішчаныя ў паветры над Белгарадскай вобласцю".

Тым часам расейскія Telegram-каналы паведамляюць пра як мінімум пяць пацярпелых у Белгарадзе. Ва ўсіх - аскепкавыя раны.

“Два шматпавярховікі пашкоджаныя ў выніку абстрэлу ў Белгарадзе. Таксама набоі пашкодзілі і белгарадскую арэну”, - піша адзін з паблікаў.

З іншых звестак, пацярпелі сем чалавек. Адзін з іх знаходзіцца ў цяжкім стане.

Таксама паведамляецца, што пасля абстрэлу па вуліцы Шчорса няма святла, а ў шматпавярховіку на вуліцы Ясеніна пашкоджана восем кватэр.

Пазней губернатар вобласці Вячаслаў Гладкоў таксама даў справаздачу аб рабоце расейскай СПА, па выніках якой у Белгарадзе пацярпелі пяць чалавек, пашкоджаны больш за 30 кватэр і 10 аўтамабіляў, пашкоджаная фасаднае шкленне ў "Белгарад Арэне", прабіты дах і пліта перакрыцця, а таксама выбіты вокны ў адным з карпусоў адукацыйнай установы.

“У горадзе ёсць пашкоджанне на лініі электраперадачы, часова без святла застаюцца блізу 5 тысяч жыхароў”, - дадаў ён.