Германія запатрабавала ад ЗША скасаваць абмежаванні Starlink ва Украіне

Сувязь Starshield для ўкраінскіх вайскоўцаў аплачвае Берлін.

Міністр замежных спраў Германіі Ёган Вадэфуль раскрытыкаваў абмежаванні працы спадарожнікавай сувязі Starlink ва Украіне, за якую плаціць і ягоная краіна.

Пра гэта паведамляе ntv.

«Гэтыя абмежаванні павінны быць скасаваныя», — заявіў Вадэфуль.

Ён адзначыў, што частка абсталявання Starlink ва Украіне фінансуецца Германіяй.

«І таму мы, вядома, настойваем на тым, каб яно працавала, калі мы за гэта плацім. Украіне павінна і далей аказвацца поўная падтрымка», — падкрэсліў нямецкі міністр.

Вадэфуль дадаў, што «няма поўнай карціны» адносна прычын абмежавання працы Starlink.

Паводле ягоных слоў, у Германіі ёсць пытанні да ЗША з гэтай нагоды, «якія мы высветлім».

Нагадаем, у апошнія дні Сілы абароны Украіны сутыкнуліся з абмежаваннямі працы Starlink. У прыватнасці, украінскія вайскоўцы не маглі выкарыстоўваць дроны пры хуткасці больш за 160 км/г.

Паводле інфармацыі СМІ, распараджэнне абмежаваць працу спадарожнікавай сістэмы, якая выкарыстоўваецца Украінай для сувязі на полі бою і кіравання дронамі, паступіла з Белага дома.

Сувязь Starshield для ўкраінскіх вайскоўцаў аплачвае Германія, кантракт дзейнічае да красавіка 2027 года. Кіеў просіць аднавіць працу сістэмы без абмежавання хуткасці.

15 кастрычніка сітуацыя з абмежаваннем працы Starshield (вайсковага пакета Starlink) ва Украіне палепшылася. Аднак абмежаванні ўсё яшчэ застаюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com