Меліціна Станюта ужанілася і паказала сваё вяселле

Святкаванне прайшло ў прыватнай рэзідэнцыі Напалеона Банапарта і Жазэфіны Багарнэ.

У сацсетках вядомай беларускай гімнасткі Меліціны Станюты з'явіліся фота і відэа з яе вяселля, піша «Зеркало». Нагадаем, яе выбраннікам стаў грамадзянін Францыі.

Вяселле прайшло ў прыгарадзе Парыжа ў маёнтку XIX стагоддзя Château de la Petite Malmaison, найбольш вядомым як прыватная рэзідэнцыя Напалеона Банапарта і Жазэфіны Багарнэ.

Меліціна Станюта — 32-гадовая беларуская гімнастка, неаднаразовая прызёрка чэмпіянатаў свету і Еўропы, заслужаны майстар спорту Рэспублікі Беларусь (2015). Правнучка савецкай беларускай актрысы Сцяфаніі Станюты.

У 2020 годзе Меліціна падпісала ліст спартсменаў за новыя сумленныя выбары і супраць гвалту беларускай улады.

«Шчыра кажучы, я ўвогуле сумняваюся, што калі-небудзь даспею да сур'ёзных адносін. Па крайняй меры, пакуль не скончу са спортам — замуж дакладна не пайду», — расказвала калісьці 18-гадовая Станюта.

Пра свае заручыны гімнастка паведаміла 17 снежня мінулага года. Імя жаніха яна не называла, але раскрыла некалькі фактаў пра яго:

«У нас адзін і той жа знак задыяка — Скарпіён;

У нас розніца ва ўзросце 371 дзень (ён старэйшы);

Ён брэтанец (поўнач Францыі);

У нас аднолькавая марка аўтамабіля (супадзенне);

Ён валодае чатырма мовамі, я — пяццю».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com