Эпічная сустрэча
- Сяргей Фурса
- 17.11.2026, 15:23
Сімвал найвялікшай перамогі Пуціна абрынуўся якраз своечасова.
Што ж, калі Сталін у Ялце дзяліў свет, ніякага Крымскага моста не было.
Бо Пуцін хоча, каб усё было, як у дзядоў. Бо Пуцін хоча новую Ялту.
Цяпер ён паедзе з Сі і Трампам дзяліць свет, будзе распавядаць пра перамогі. Мост тут відавочна лішні. У 1945 годзе яго не было.
Сімвал найвялікшай перамогі Пуціна абрынуўся якраз своечасова. З узростам такое здараецца. Пуцін гэта ведае. Няспроста ж ён пастаянна хоча вярнуцца ў мінулае.
Цяпер гэты падзел свету на траіх выглядае яшчэ больш эпічна.
Сустрэча трох гігантаў.
Пуцін, які 5 гадоў бярэ Малую Токмачку.
Трамп, які будуе бальную залу, ужо сто разоў перамог Іран і паспяхова праходзіць толькі кагнітыўныя тэсты.
І Сі, у якога фондавы рынак шукае новае дно, дэмаграфія руйнуецца, а эканоміку ратуюць экспартам, субсідзіраваным коштам «усіх грошай свету». Хаця ён, прынамсі, яшчэ не паспеў увязацца ў вайну, якую не здольны выйграць. Мудры воін. Праўда, магчыма, гэта толькі «пакуль што».
Вось гэта — сустрэча пераможцаў.
Чаму толькі не ў Ялце — вось пытанне. Што ж перашкаджае?
Сяргей Фурса, «Фэйсбук»