Каля расійскага Геленджыка тоне сухагруз
2- 21.11.2026, 19:06
У сеціве з'явілася відэа.
У раёне Геленджыка Краснадарскага краю Расіі тоне сухагруз. Судна мае прыкметны крэн на адзін бок і часткова сышло пад ваду, паведамляе маніторынгавы канал Exilenova+.
Што вядома пра затапленне судна каля Геленджыка?
Пакуль невядома, як называецца судна, пад якім сцягам яно ходзіць і каму належыць.

Украінскі вайсковы карэспандэнт Андрэй Цапліенка называе судна балкерам класа Handysize.
Гэта параўнальна невялікія сухагрузы, звычайна грузападымальнасцю прыблізна 15–50 тысяч тон. Іх выкарыстоўваюць для перавозкі збожжа, у тым ліку расійскага.
Судна мае тры грузавыя краны на палубе, размешчаныя паміж трюмамі. Такая канструкцыя дазваляе загружаць і разгружаць яго нават у партах, дзе няма берагавых кранаў. Справа ад кармы сухагруза таксама бачны марскі буксір.

Расійскае МНС і ўлады Краснадарскага краю пакуль не каментавалі інцыдэнт.
Заўважым, што ў ноч на 21 лістапада ў Геленджыку і Наварасійску абвяшчалі пагрозу атакі беспілотнікаў.