У Мінску дырэктарка фірмы вынесла з гандлёвага цэнтра гару адзення, каб зняць стрэс
1- 22.11.2026, 13:07
Незвычайная тэрапія скончылася новымі «прыгодамі».
У Мінску 45-гадовая дырэктарка прыватнай кампаніі вырашыла зняць стрэс незвычайным спосабам: адправілася ў бутык брэндавага адзення, набрала рэчаў і пачала зрэзаць з іх біркі. У выніку жанчына вынесла з крамы адзення на суму больш за 1 тыс. рублёў.
Як паведамляюць «Мінск-Навіны», усё адбылося ў гандлёвым цэнтры на вуліцы Прытыцкага. Жанчына ўзяла са стэлажоў некалькі рэчаў і адправілася з імі ў прымерачную. Там яна нажніцамі зрэзала біркі з чатырох пар штаноў, майкі, двух жаночых кашуль, спадніцы, камізэлькі і блузкі, склала ўсё адзенне ў сваю сумку і выйшла з крамы.
Агульны кошт рэчаў склаў 1029,55 рублёў. Пазней жанчыну знайшлі па запісах камер відэаназірання. На яе ўзбудзілі крымінальную справу.
Мінчанка цалкам прызнала віну і кампенсавала краме шкоду. На допыце яна патлумачыла, што хацела такім чынам зняць стрэс.
Справу накіравалі ў суд. Жанчыне прад'явілі абвінавачанне ў крадзяжы паводле часткі 1 артыкула 205 Крымінальнага кодэкса. Зараз яна знаходзіцца пад падпіскай аб нявыездзе і належных паводзінах.