Украіна рыхтуе адказ на правакацыі Лукашэнкі

Зяленскі падзяліўся падрабязнасцямі.

Прэзідэнт Украіны Уладзімір Зяленскі даручыў Сілам абароны і арганам бяспекі падрыхтаваць план рэагавання на пагрозы з боку Беларусі. План будзе разгледжаны і зацверджаны на Стаўцы Галоўнакамандуючага.

Пра гэта ён паведаміў у пятніцу, 15 мая, падчас вячэрняга звароту.

Паводле слоў Зяленскага, Чарнігаўска-Кіеўскі напрамак будуць узмацняць, а партнёры Украіны праінфармаваныя пра сітуацыю і пра спробы Расіі ўцягнуць Беларусь у вайну.

Прэзідэнт Украіны падкрэсліў, што добра разумее, пра што ідзе гаворка ў перамовах паміж Расіяй і кіраўніцтвам Беларусі.

«Цяпер пачалася вялікая актыўнасць расіян — маю на ўвазе ў размове з [беларускім дыктатарам] Аляксандрам Лукашэнкам. Хочуць значна мацней уцягнуць Беларусь у вайну і менавіта з тэрыторыі Беларусі распачаць дадатковыя агрэсіўныя аперацыі — або супраць нашага Чарнігаўска-Кіеўскага напрамку, або супраць адной з краін НАТА, якія побач з Беларуссю», — адзначыў Зяленскі.

Прэзідэнт падкрэсліў, што Украіна і надалей будзе абараняць сваю тэрыторыю і грамадзян.

Раней ён заяўляў, што Расія разглядае планы аперацый па напрамках на поўдзень і на поўнач ад тэрыторыі Беларусі — або супраць Чарнігаўска-Кіеўскага напрамку ва Украіне, або супраць адной з краін НАТА — менавіта з тэрыторыі Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com