«Пуцін і Лукашэнка сёння атрымалі свой білет у Гаагу»
3- 16.05.2026, 14:33
- 1,544
Кіраўнік МЗС Украіны ацаніў ключавое рашэнне аб стварэнні спецтрыбунала.
Кіраўнік МЗС Украіны Андрэй Сібіга заявіў у Кішынёве, дзе напярэдадні было прынята ключавое рашэнне аб стварэнні спецтрыбунала для Пуціна, што гэты трыбунал дапаможа расійскаму лідару ажыццявіць яго мару і ўвайсці ў гісторыю.
Пра гэта гаворыцца ў публікацыі прэс-сакратара МЗС Украіны Георгія Ціхага для «Еўрапейскай праўды».
Ціхі расказаў, як у пятніцу ў прысутнасці ўсіх дзяржаў-членаў Савета Еўропы ў Кішынёве генеральны сакратар Савета Еўропы Ален Берсэ уручыў Сібігу юрыдычнае пацвярджэнне аб далучэнні 36 дзяржаў і Еўрасаюза да пагаднення, якое стварае кіраўнічы камітэт Спецыяльнага трыбуналу па злачынстве агрэсіі супраць Украіны.
Сібіга са свайго боку заявіў, што маральны фундамент Еўропы і свету будзе адноўлены толькі тады, калі злачынства агрэсіі супраць Украіны будзе пакаранае.
«Гэта не пытанне мінулага. Гэта пытанне будучыні. Пытанне аднаўлення агульнай прасторы праўды, справядлівасці і даверу. Гэта таксама пытанне годнасці. Пуцін заўсёды хацеў увайсці ў гісторыю. І гэты трыбунал дапаможа яму ў гэтым… Пуцін, Шайгу, Герасімаў, Бортнікаў, Золатаў, Мядзведзеў, Патрушаў, Лукашэнка і іншыя – сёння ўсе яны атрымалі свой білет у Гаагу», – заявіў Сібіга.
Ён таксама падкрэсліў, што на працягу мінулых стагоддзяў Украіна перажыла занадта шмат звярстваў, прыгнёту, акупацый, сусветных войнаў, генацыдаў, сталінскіх рэпрэсій, Чарнобыля і іншых злачынстваў. «І мы ніколі – падкрэсліваю, ніколі – не бачылі сапраўднага правасуддзя. Спецыяльны трыбунал разарве гэты заганны круг. За кожную забітую душу. За кожны разбураны свет. За кожны зламаны лёс», – падкрэсліў кіраўнік МЗС Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
