У Польшчы трое затрыманыя па падазрэнні ў шпіянажы на карысць РФ

Яны дзейнічалі па заданні куратара, блізкага да ФСБ.

У Польшчы трох грамадзян краіны затрымалі па падазрэнні ў шпіянажы на карысць Расіі. Пра гэта ў сераду, 20 мая, паведамляе Агенцтва ўнутранай бяспекі Польшчы.

Як адзначае ведамства, затрыманыя грамадзяне Польшчы дзейнічалі ў інтарэсах замежнай спецслужбы і перадавалі ёй інфармацыю. Іх падазраюць у вырабе і распаўсюджанні прапагандысцкіх і дэзінфармацыйных матэрыялаў, падрыхтоўцы да сабатажу і падрыўной дзейнасці, а таксама ў распаўсюджанні сімволікі ў падтрымку расійскай ваеннай агрэсіі.

Агенцтва ўнутранай бяспекі Польшчы таксама адзначае, што мае доказы датычнасці затрыманых да збору сродкаў на закупку абсталявання для расійскай арміі.

Ведамства таксама сцвярджае, што затрыманыя грамадзяне Польшчы прайшлі падрыхтоўку па дыверсійных і падрыўных задачах, уключаючы тактыку вядзення баявых дзеянняў. Паводле звестак польскіх спецслужбаў, яны дзейнічалі па даручэнні грамадзяніна Расіі, звязанага з ФСБ.

У прыватнасці, з яго падачы група затрыманых займалася зборам разведвальнай інфармацыі, у тым ліку пра месцазнаходжанне войскаў НАТА ў Польшчы. Імя расійскага куратара не называецца. Расійскі бок пакуль ніяк не каментаваў заяву Агенцтва ўнутранай бяспекі Польшчы.

Як заявіў міністр-каардынатар спецслужбаў краіны Томаш Сямоняк, затрыманыя — мужчыны ва ўзросце ад 48 да 62 гадоў. Іх узялі пад варту на тры месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com