Беларускам пачалі паступаць нечаканыя званкі з міліцыі

Тэлефануюць менавіта жанчынам.

Беларускі з розных рэгіёнаў краіны пішуць у Threads, што ім тэлефануюць з міліцыі і пытаюцца, ці ўсё ў дзяўчат добра. У каментарыях іх супакойваюць: супрацоўнікі ўсталёўваюць асобу жанчыны, цела якой знайшлі ў красавіку ў Лепельскім раёне, піша «Зеркало».

Што адбылося?

Нядаўна карыстальніца Threads Кацярына, якая жыве ў Гродне, напісала, што ёй патэлефанавалі з крымінальнага вышуку.

— Прапала нейкая жанчына, і [супрацоўнікі] робяць абзвоны жанчын і пытаюць, ці ўсё ў парадку, — паведаміла яна ў сваім акаўнце. — Дзяўчаткі, каму-небудзь яшчэ набіралі <�…>?

У каментарыях некаторыя дзяўчаты паведамлялі, што і да іх звярталіся з міліцыі з падобнымі пытаннямі.

— Тэлефанавалі, так. Мне і падружцы таксама, яшчэ пару тыдняў таму, — адзначыла адна беларуска. — Як зразумела, з-за неапазнанага цела, якое знайшлі ў Лепельскім раёне. Магчыма, абзвоньваюць усіх дзяўчат, што падыходзяць па прыкметах. Проста спыталі, ці жывыя, ці здаровыя <�…>.

Пра якое злачынства ідзе гаворка?

— І мне тэлефанавалі, бо я восенню была ў пансіянаце «ЛОДЭ» (гаворка пра гасцявы комплекс «Востраў ЛОДЭ». — Прым. рэд.), які якраз у Лепелі (дакладней, у Лепельскім раёне. — Прым. рэд.). Казалі тое самае, — адзначыла другая ўдзельніца абмеркавання.

Яшчэ больш актыўная дыскусія разгарнулася пад падобным пастом Кацярыны з Гродна.

— Ёсць тут хтосьці 1977 года нараджэння (РБ)? Вам выпадкова з РАУС не званілі? — пацікавілася яна. — Бо мне тэлефанавалі ўжо двойчы, каб удакладніць, ці ўсё ў мяне добра і ці мой гэта нумар. Напішыце, хто ведае падрабязнасці. Штосьці я панікую.

У каментарыях яна паведаміла, што перазваніла ў РУУС, пацікавілася, ці працуе там супрацоўнік, які ёй званіў, і там інфармацыю пацвердзілі. У размове дзяўчына 1990 года нараджэння паведаміла, што ёй таксама набіралі з такім пытаннем.

— Дзяўчаткі, не панікуйце! Мы сапраўды тэлефануем у сувязі з прапалай дзяўчынай, бо многія падыходзяць па прыкметах, — напісаў ананімны акаўнт пад пастом Кацярыны. — Абзвоньваем, каб даведацца, ці жывыя вы. Нават калі вы падумалі, што мы махляры, нам усё адно. Галоўнае, што з вамі ўсё ў парадку і вы адказалі на званок.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com