Стала вядома рыначная вартасць палаца Радзівілаў, які расіянка купіла за дзве базавыя

Унікальны палац добра захаваўся.

На днях СМІ абляцела навіна, што палац Радзівілаў у Гродзенскай вобласці прадалі за дзве базавыя, то бок за 90 рублёў. Дырэктар Дзятлаўскага дзяржаўнага гісторыка-краязнаўчага музея Вераніка Паўлоўская паведаміла ТАСС, што палац можна аднавіць, бо ён добра захаваўся.

Па словах Веранікі Паўлоўскай, у палаца ўнікальная ступень захаванасці. Вонкавы воблік і ляпніна ў добрым стане. Але для яго рэканструкцыі новай уладальніцы спатрэбяцца сур'ёзныя ўкладанні.

Пры гэтым рыначную вартасць аб'екта ацэньваюць у 255 тыс. рублёў, то бок больш за $90 тыс.

Палац уяўляе сабой двухпавярховы цагляны будынак з падвалам і чатырма халоднымі прыбудовамі. Паводле закону новы ўласнік абавязаны захаваць гістарычны воблік будынка. Як удакладніла прадстаўніца музея, планы па рэканструкцыі, якую, згодна з умовамі продажу, неабходна выканаць цягам пяці гадоў, нібыта будуць узгадняць з Міністэрствам культуры. Таксама плануецца арганізаваць доступ для турыстаў.

З 2010-га года будынак быў закінуты. Прадаць яго спрабавалі неаднаразова. У 2022 годзе палац набыў грамадзянін Расіі за тры базавыя, але ў выніку правесці рэканструкцыю яму не ўдалося, і аб'ект вярнуўся ў дзяржаўную ўласнасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com