Футбаліст у Беларусі атрымаў штраф за незвычайнае святкаванне гола

Гулец прарэкламіраваў продаж аўтамабіляў проста на полі.

Нядаўна ў Беларускай федэрацыі футбола адбылося чарговае пасяджэнне кантрольна-дысцыплінарнага камітэта, на якім на 30 базавых велічынь аштрафавалі футбаліста Дзмітрыя Антылеўскага. Прычына ў рашэнні не пазначана, але пакаранне прынялі паводле арт. 100 «Іншыя парушэнні».

У ёй гаворыцца: «У выпадку, калі якая-небудзь асоба здзейсніць парушэнне і (або) невыкананне рэгламентавальных дакументаў ФІФА, УЕФА або Асацыяцыі, якія наўпрост не прадугледжаны гэтым Кодэксам, але па сваёй сутнасці з’яўляюцца падобнымі (аналагічнымі) да пазначаных парушэнняў, такая асоба таксама падпадае пад юрысдыкцыю гэтага Кодэкса. У такім выпадку дысцыплінарныя органы маюць права самастойна выбраць пакаранне з пераліку санкцый, кіруючыся прынцыпам разумнасці і справядлівасці».

Выданне «Беларускі футбол» выказала здагадку, што Антылеўскі мог атрымаць штраф за незвычайны перформанс. Падчас нядаўняга матча з «Баранавічамі» Дзмітрый забіў гол прамым ударам з кутняга.

Пасля гэтага ён паказаў у камеру візітоўку з надпісам Pont Auto і, прыклаўшы руку да вуха, прапанаваў туды патэлефанаваць.

Як высветлілася, такім чынам футбаліст прарэкламіраваў кампанію, якая займаецца падборам, купляй і дастаўкай аўтамабіляў з ЗША, Канады і Кітая. Падобны жэст нядаўна зрабіў Томаш Скублак, які выступае ў прэм’ер-лізе Канады за «Інтэр» з Таронта. Хлопец пасля забітага гола прадэманстраваў сваю ж візітоўку. Высветлілася, што, акрамя футбола, Томаш Скублак працуе рыэлтарам.

У прэс-службе Беларускай федэрацыі футбола журналісту Onliner пацвердзілі, што штраф быў менавіта за рэкламу, і адзначылі: за падобныя жэсты караюць не толькі ў Беларусі, але і на буйных міжнародных турнірах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com