«Лукашэнку давядзецца быць максімальна асцярожным нават у выказваннях»

Паляўнічы ператварыўся ў здабычу, а здабыча ператварылася ў паляўнічага.

На днях камандуючы Сілаў беспілотных сістэм ЗСУ Роберт «Мадзяр» Броўдзі папярэдзіў Лукашэнку, што ў выпадку агрэсіі з боку Беларусі Украіна мае падрыхтаваны план з 500 мэт.

Якія аб’екты могуць быць атаканыя ў першую чаргу? Пра гэта сайт Charter97.org пагаварыў з украінскім ваенна-палітычным аглядальнікам групы «Інфармацыйны супраціў» Аляксандрам Каваленкам:

- Гэта будзе найперш самая «тлустая» мэта — Мазырскі нафтаперапрацоўчы завод. Таксама сярод гэтых аб’ектаў ёсць лагістычныя вузлы, прадпрыемствы ваенна-прамысловага комплексу і, канечне ж, пэўныя аб’екты, што адносяцца як да аб’ектаў арміі Беларусі, так і тыя, на якіх сёння размяшчаюцца прадстаўнікі расійскага кантынгенту.

Гэта і прадстаўнікі сіл СПА, і авіяцыйныя спецыялісты, РЭБшнікі, РЛС-нікі, сувязісты і гэтак далей.

Гэтыя аб’екты не з’яўляюцца сакрэтнымі, мы сёння не ў Сярэднявеччы жывём. Усе гэтыя аб’екты скаардынаваныя, а сама па сабе тэрыторыя Беларусі для ўкраінскіх дронаў сёння як адкрытая кніга. То бок мы лётаем да Екацярынбурга, 2000 км ад мяжы з Украінай пераадольваем. Пераадолець жа з поўдня на поўнач і назад з поўначы на поўдзень усю тэрыторыю Беларусі для дронаў з магчымасцю манеўравання — гэта ўвогуле не праблема.

Таму гэта сапраўды перасцярога для дыктатара Лукашэнкі. Літаральна нядаўна, два тыдні таму, усе мелі магчымасць бачыць, як украінскія дроны прарвалі 3 кольцы абароны СПА ў Маскве, у Маскоўскай вобласці. Пэўна, самая эшаланаваная і самая насычаная СПА наогул у РФ. І нанеслі ўдары па адпаведных аб’ектах. Таму не думаю, што ў Мінску СПА лепшая, чым у Маскве. І наогул, што паветраная прастора Беларусі абаронена лепш, чым расійская.

Ёсць яшчэ адзін вельмі важны момант, які датычыць заявы «Мадзяра». Справа ў тым, што Сілы беспілотных сістэм сёння займаюцца тым, што сістэмна, рэгулярна знішчаюць у блізкай тылавой зоне часова акупаваных тэрыторый і на тэрыторыі Расійскай Федэрацыі менавіта сістэмы СПА. Сілы беспілотных сістэм наладзілі сапраўднае паляванне менавіта на СПА.

Паляўнічы ператварыўся ў здабычу, а здабыча ператварылася ў паляўнічага. Вельмі магчыма, што ўдары па Беларусі могуць мець нават і такі характар.

Вынос беларускай СПА, якой, зноў жа, падкрэслю, не так і шмат. Гэта даволі абмежаваны рэсурс. Беларусь вельмі хутка можа, па-першае, застацца без сістэмы СПА. Па-другое, яе паветраная прастора рэальна ператворыцца ў прахадны двор.

- Якімі будуць наступствы ўкраінскага адказу для рэжыму Лукашэнкі і балансу сіл у рэгіёне?

- Аслабленне, рэпутацыйны ўдар, вядома ж. Скажу нават больш, гэта будзе рэпутацыйнае прыніжэнне не толькі самога рэжыму Лукашэнкі, але і ў пэўнай ступені РФ. Тут Лукашэнку варта дзейнічаць вельмі асцярожна з адной простай прычыны.

Украіна, у адрозненне ад 2022 года, цяпер не будзе паводзіць сябе максімальна талерантна ў дачыненні да Беларусі. Любыя агрэсіўныя выпады ў наш бок, якія мы можам расцаніць як пагрозу, могуць паслужыць прычынай для задзейнічання таго ці іншага сцэнару. Таму Лукашэнку варта быць максімальна асцярожным нават, элементарна, у выказваннях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com