Па Глыбокім гуляла мядзведзяня

Прыйшоў па згушчонку?

Увечары 9 чэрвеня мядзведзяня гуляла проста па праезнай частцы горада Глыбокага. Відэа, на якім бачна, як жывёла ідзе па дарозе, а потым яе пачынае «выціскаць» аўтамабіль, выклалі ў Instagram.

Дзяўчына, якая размясціла ролік у сябе на старонцы, сцвярджае, што мядзведзя ўдалося зняць адной з мясцовых жыхарак.

«Відэа ўбачыла ў дзяўчыны з нашага горада, гэта яе рэальнае відэа. Знята яно на прыпынку, дзе знаходзіцца школа! Побач прафліцэй, цэнтр горада і моладзь, якая гуляе! Гэта страшна!» — адзначае аўтарка публікацыі.

Дарэчы, меркаванні наконт мядзведзяняці і яго прагулкі па горадзе ў каментатараў паста розныя. Хтосьці напалоханы сітуацыяй, а камусьці, наадварот, шкада звера.

— Гэта малады мядзведзь, выйшаў да людзей, бо ў лесе не стае ежы і таму, што лес высякаюць. Заганяюць звера машынамі, палохаюць — так нельга, трэба, наадварот, даць яму магчымасць сысці.

— Бедныя жывёлы... чалавек выціснуў усіх з лясоў.

— Зразумела, што жывёл вельмі шкада. Але не дай бог здарыцца бяда з кімсьці блізкім — шкадаваць іх так не будуць. Вельмі часта яны сталі з'яўляцца сярод людзей!

— Бедны, напалоханы! Людзям трэба быць асцярожнымі.

Ёсць і тыя, хто лічыць, што кіроўца аўтамабіля, пачаўшы «пераследаваць» жывёлу, учыніў няправільна:

— Нічога сабе! А навошта яго так заціскаць і палохаць машынай? Невядома, што зробіць спалоханы, а там людзі.

— Не трэба пераследаваць жывёлу такім чынам, выклікаць міліцыю — і яны самі яго супровадзяць.

Без гумару таксама не абышлося:

— Мішка пытаецца, як праехаць у Мінск.

— У школу ідзе.

— Па згушчонку прыйшоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com