Зяленскі ўдарыў адразу па трох галоўных страхах Пуціна

Крэмль апынуўся ў пастцы.

Ліст Уладзіміра Зяленскага Уладзіміру Пуціну (які быў напісаны напярэдадні выступлення апошняга на форуме ў Санкт-Пецярбургу) — гэта ці не адна з самых агрэсіўных камунікацый Банкавай за ўвесь час вайны. Выглядае так, што Зяленскі ўдарыў адначасова па трох галоўных страхах Пуціна — страху страціць кантроль унутры Расіі, страху выглядаць старым і нямоцным (старцам) і страху размаўляць з Украінай наўпрост, прызнаючы яе суб'ектнасць.

Фактычна, гэта «стадзіён» для Пуціна. На якім ён наўрад ці з'явіцца. Бо пайсці на сустрэчу з Зяленскім пасля такога «запрашэння» ён не можа ў прынцыпе.

Хутчэй за ўсё, спічрайтарам Пуціна сёння ўначы давядзецца перапісваць тэкст заўтрашняга выступлення. Спачуваю. Не выключана, што яны ў прынцыпе не будуць узгадваць гэты ліст наўпрост, каб яго не гуглілі. Але ў гэтым лісце для Масквы расстаўлена свядомая пастка. Зяленскі прапануе выхад, выдатна ўсведамляючы, што Пуцін яго адхіліць. Але потым гэту адмову можна паказваць усім — расіянам, амерыканцам, еўрапейцам, Глабальнаму Поўдню. Гэта можна будзе выкарыстоўваць як доказ, што праблема не ў фарматах, як некаторыя лічаць. А ў тым, што Пуцін у прынцыпе не гатовы заканчваць вайну без паразы Украіны.

Віктар Шлінчак, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com