Ігар Ліпсіц: У Лукашэнкі ўсё менш шанцаў выскачыць з бяды

Непрыемная сітуацыя для двух дыктатараў.

Расійскі эканаміст Ігар Ліпсіц лічыць, што нястача сродкаў у расійскіх уладаў ударыць найперш па бюджэтніках, а сітуацыю ў рэгіёнах краіны назваў «катастрофай». Пра гэта ён заявіў у інтэрв’ю YouTube-каналу «Форум свабоднай Расіі».

«Расійскай дзяржаве цяпер не да бюджэтнікаў, — сказаў ён. — Яе цяпер хвалююць толькі тыя бюджэтнікі, што на лініі фронту, і тыя, хто на ваенных заводах. Вось гэтыя людзі будуць атрымліваць грошы. Бюджэтнікі ў рэгіянальных органах улады, паліклініках, бальніцах, дзіцячых садках, школах нікога не хвалююць. Іх цяпер усіх пусцяць пад нож. Я разумею, што гэта, вядома, людзям страшна слухаць, але гэта — рэальнасць, якая іх чакае.

Калі гаварыць пра бюджэтнікаў, асабліва ў рэгіёнах, ім будзе цяжка. Можна сказаць, што сітуацыя — проста катастрофа. 56 рэгіянальных бюджэтаў у нас цяпер дэфіцытныя».

Суразмоўцы закранулі тэму беларуска-расійскіх узаемаадносін. Ігар Ліпсіц заявіў, што Лукашэнка «выратоўвае» Пуціна, але нясе страты з-за еўрапейскіх санкцый, уведзеных супраць нафтаперапрацоўчай прамысловасці.

«Для Лукашэнкі гэта не столькі фінансавыя страты, колькі пэўная страта манеўру, бо ён увесь час манеўруе паміж Пуціным і ЕС, спрабуе быць добрым і там, і там, — сказаў ён. — Спрабуе заняць пазіцыю: «я, вядома, сучы сын, але я ваш сучы сын, і са мной можна дамаўляцца».

Вядома, санкцыі яму нашкодзілі. Ён вельмі актыўна спрабуе праскочыць паміж кропелькамі, выкруціцца. Часам яму гэта ўдаецца. Як бачыце, ён, напрыклад, дамогся зняцця амерыканскіх санкцый з Беларусі. Цяпер Лукашэнка выратоўвае Расію, выратоўвае расійскую армію і, вядома, трапіў пад санкцыі. Гэта для яго непрыемная сітуацыя, якая пагаршае яго адносіны з Еўрапейскім саюзам і дае менш шанцаў выскачыць з бяды, не пацярпеўшы. Гэта, вядома, для яго непрыемна».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com