Украінскія дроны паразілі ключавы аэрадром расіян у Крыме

Гэта не адзіная мэта.

У ноч на 5 ліпеня украінскія дроны атакавалі аэрадром «Гвардзейскае» ў Крыме. Расія выкарыстоўвае яго для баявых вылетаў, лагістыкі і абслугоўвання самалётаў.

Пра гэта паведамляецца са спасылкай на Генеральны штаб Узброеных Сіл Украіны.

У Генштабе адзначылі, што гэты аэрадром з’яўляецца адным з ключавых ваенных аэрадромаў Расіі на тэрыторыі акупаванага Крыму. Ён выкарыстоўваецца для базавання аператыўна-тактычнай і марской авіяцыі, забеспячэння баявых вылетаў, лагістыкі і тэхнічнага абслугоўвання самалётаў.

Інфармацыя пра маштабы пашкоджанняў удакладняецца.

Акрамя таго, украінскія вайскоўцы паразілі два аўтамабільныя масты ў Данецкай вобласці: цераз раку Грузскі Яланчык у раёне Гусельнікава і цераз раку Кальміус каля Старамар'еўкі.

Расійскія войскі выкарыстоўвалі гэтыя аб’екты для перакідвання асабовага складу, узбраення, боепрыпасаў і матэрыяльна-тэхнічных сродкаў.

Таксама пад удар трапілі тры расійскія склады боепрыпасаў: у раёнах Макееўкі Данецкай вобласці, Даўжанска Луганскай вобласці і Пераабражэнкі Херсонскай вобласці.

«Сілы абароны і далей будуць сістэмна ажыццяўляць мерапрыемствы, накіраваныя на спыненне ўзброенай агрэсіі расійскай федэрацыі супраць Украіны», — падсумавалі ў Генштабе.

Акрамя таго, мінулага тыдня СБУ ў межах 40-дзённай аперацыі паразіла пункт кіравання ўдарнымі БПЛА ў Мікалаеўскай вобласці, склады гаручага ў Крыме і вузел сувязі паблізу Гуляйполя.

Таксама ў ноч на 1 ліпеня дроны СБУ паразілі ангары з расійскімі знішчальнікамі на аэрадроме «Сакі» ў акупаваным Крыме. Там пацвердзілі пяць трапленняў, а ў двух ангарах, паводле папярэдніх дадзеных, знаходзіліся Су-30 і Су-30СМ.

Ужо 3 ліпеня беспілотнікі СБУ другі раз за тыдзень атакавалі «Сакі» і ўдарылі па ангарах аэрадрома «Гвардзейскае». Паводле папярэдняй інфармацыі, як мінімум сем самалётаў былі знішчаныя або пашкоджаныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com