Арыштавалі расіяніна, які кінуў у Мінску акурок

Яму далі 15 сутак.

Хлопец, які выкінуў акурок і справакаваў канфлікт у раёне станцыі метро «Няміга», атрымаў 15 сутак адміністрацыйнага арышту. Пра гэта паведамілі ў прэс-службе Мінскага гарадскога суда.

Нагадаем, міліцыя знайшла ў інтэрнэце ролік. На ім відаць, як малады чалавек, які знаходзіўся на вуліцы Няміга разам са сваёй маці, выкінуў акурок там, дзе незадоўга да гэтага было праведзена прыбіранне. Аўтар роліка, беларускі выканаўца Леў Беларусаў, зрабіў хлопцу заўвагу, на што той адрэагаваў агрэсіўна — у тым ліку дапусціў выказванні з ужываннем ненарматыўнай лексікі.

Калі хлопца затрымалі, ён распавёў, што разам з маці яны прыехалі да сваякоў і вырашылі прагуляцца па Мінску.

У судзе адзначылі, што хлопец — жыхар Гродзенскай вобласці. У грамадскім месцы ён «парушыў агульнапрызнаныя нормы і правілы паводзінаў у грамадстве, паводзіў сябе нахабна і выклічна, на зробленую заўвагу выказваўся грубай нецэнзурнай лаянкай у прысутнасці мноства мінакоў, чым праявіў уседазволенасць, дэманструючы пагардлівае стаўленне да агульна ўсталяваных нормаў маральнасці і маралі ў грамадстве, чым парушыў грамадскі парадак і спакой грамадзян, выказаў яўную непавагу да грамадства».

Малады чалавек цалкам прызнаў сваю віну.

На падставе арт. 19.1 КаАП (дробнае хуліганства) суд прызначыў яму пакаранне ў выглядзе 15 сутак адміністрацыйнага арышту.

Пастанова суда можа быць абскарджаная і апратэставаная ў парадку, устаноўленым законам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com