Пуцін хаваецца за Уралам ад адплаты Украіны, «эліты» збеглі разам з ім

Кіраўнік Крамля амаль не з’яўляецца ў Маскве і Сочы, баючыся дронаў і «Фламінга».

Мінулым тыднем расійскі дыктатар Уладзімір Пуцін публічна заявіў, што «ніколі нічога не баяўся».

Паказальна, што сказаў ён гэта ў Навасібірску — за 3 тыс. км ад украінскіх межаў. Больш за тое, апошнім часам кіраўнік Крамля перанёс усю сваю актыўнасць за Урал, куды не дасягаюць украінскія БПЛА і ракеты.

Звярнула на гэта ўвагу расійскае незалежнае выданне «Можем объяснить».

У папярэднія гады Пуцін традыцыйна праводзіў большую частку жніўня ў Сочы. Аднак сёлета ён гэтай традыцыі здрадзіў. У сваёй рэзідэнцыі дыктатар РФ перастаў з’яўляцца, як і ў Маскве. Крамль спрабуе схаваць гэтую інфармацыю.

«Пасля ўзмацнення ўкраінскіх атак ягоны публічны маршрут усё выразней зрушваецца ў Сібір і на Далёкі Усход, хоць Крамль працягвае паказваць закрытыя сустрэчы з паметкай «Масква»… Крамлёўская «эліта» ўслед за правадыром збегла за Урал і абсталявала сабе элітныя рэзідэнцыі там, куды не далятаюць украінскія дроны», — адзначыла выданне.

Перабраліся ў Алтайскія горы прэс-сакратар Пуціна Дзмітрый Пяскоў, прэм’ер Міхаіл Мішусцін, кіраўнік Сбербанка Герман Грэф, кіраўнік «Газпрама» Аляксей Мілер і іншыя. Таксама, паводле даных выдання, Пуцін яшчэ ўзмацніў і так беспрэцэдэнтныя захады бяспекі. Ён, у прыватнасці, пачаў мацней маскіраваць свае перамяшчэнні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com