TIME: Генетык раскрыў сакрэт доўгага жыцця
- 20.08.2026, 17:40
- 1,308
Прэпарат ад старэння ўжо побач.
Прэпарат, здольны запаволіць старэнне і падаўжыць гады здаровага жыцця, ужо можа існаваць. Генетык Нір Барзілай прысвяціў дзесяцігоддзі вывучэнню людзей, якія захоўваюць добрае здароўе пасля 95 гадоў, і цяпер спрабуе ператварыць атрыманыя веды ў новыя метады лячэння, піша часопіс TIME (пераклад — сайт Charter97.org).
Паводле слоў вучонага, максімальная працягласць чалавечага жыцця сёння складае каля 115 гадоў, аднак значна павялічыць можна перадусім перыяд жыцця без цяжкіх узроставых захворванняў. «Мы павінны атрымаць яшчэ некалькі дзесяцігоддзяў жыцця і добрага здароўя», — кажа Барзілай.
Даследчык вывучае доўгажыхароў і іх родзічаў, каб высветліць, якія генетычныя асаблівасці дапамагаюць ім даўжэй пазбягаць хваробаў. Ініцыятыва «SuperAgers Initiative», якую ён узначальвае, плануе прыцягнуць да даследавання 10 тысяч чалавек старэйшых за 95 гадоў і членаў іх сем'яў.
Асобную ўвагу Барзілай надае ўжо існуючым прэпаратам. У прыватнасці, ён распрацаваў маштабнае даследаванне метфарміну, які можа быць карысным не толькі пры дыябеце, але і для прафілактыкі адразу некалькіх узроставых захворванняў. Сам праект пакуль не стартаваў, аднак яго методыку могуць выкарыстоўваць для вывучэння іншых прэпаратаў, уключаючы лекі класу GLP-1, якія ўжываюць пры дыябеце і атлусценні, і якія таксама даследуюць на прадмет магчымога ўплыву на ўзроставыя захворванні.
Вучоны таксама шукае біямаркеры, якія дазволяць дакладна вызначыць, ці запавольваюць старэнне лекі.
Пры гэтым Барзілай заклікае аддзяляць навуковыя даследаванні ад шматлікіх сумнеўных абяцанняў. «Даўгалецце — гэта вынік. Геронавука — гэта механізм», — падкрэслівае ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
