Эксперт: Масква ператварае Беларусь у інструмент ціску на Еўропу

Размяшчэнне «Арэшніка» ўпісваецца ў агульную кампанію запалохвання.

Расія размясціла ў Беларусі 101-ю ракетную брыгаду, на ўзбраенні якой знаходзіцца ракета «Арэшнік». Пра гэта заявіў начальнік Галоўнага ўпраўлення разведкі Мінабароны Украіны Алег Івашчэнка.

Чаму Масква вырашыла размясціць «Арэшнік» у Беларусі менавіта цяпер і каму адрасаваны гэты сігнал?

Пра гэта сайту Charter97.org распавёў украінскі палітолаг, прафесар Кіеўскага нацыянальнага ўніверсітэта імя Тараса Шаўчэнкі Пятро Алешчук:

— Пагроза Еўропе. Я ўсё гэта разглядаю перш за ўсё ў кантэксце той кампаніі, якую РФ цяпер вядзе супраць еўрапейцаў. Думаю, што ўсё гэта сінхранізавана з адпаведнымі тэрактамі і дыверсіямі, якія Расія ажыццяўляе на тэрыторыі ЕС. Напрыклад, падпал прадпрыемства ў Польшчы. Цэлы шэраг спроб і дыверсій на энергетычных аб’ектах у Германіі. Усё гэта — частка адпаведнай схемы. То бок Расія проста спрабуе запалохаць краіны Еўропы, каб яны адмовіліся ад падтрымкі Украіны. Для гэтага Крэмль выкарыстоўвае комплекс адпаведных метадаў, як унутрыеўрапейскіх, так і вось сітуацыю з тым самым «Арэшнікам».

Відавочна, што супраць Украіны размяшчаць «Арэшнік» у Беларусі няма ніякага сэнсу. Ён сабе спакойна далятае да Украіны з Астрахані.

Размяшчэнне «Арэшніка» ў Беларусі — гэта сігнал для еўрапейцаў, маўляў, глядзіце, у любы момант можам шандарахнуць па Парыжы або па іншых еўрапейскіх сталіцах. Падкрэслю, гэта частка кампаніі па гібрыднай вайне супраць Еўропы, у якой выкарыстоўваюцца як прамыя тэрарыстычна-дыверсійныя метады, так і метады псіхалагічнага ціску і запалохвання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com