Наталля Радзіна: Людзей сёння магло выйсці на волю значна больш

Каб амерыканцы хаця б крыху паднажалі.

Беларусы чакалі ад амерыканскіх перамоўшчыкаў большай цвёрдасці ў размовах з зусім абнаглеўшым дыктатарам. Пра гэта заявіла галоўная рэдактарка сайта Charter97.org Наталля Радзіна, каментуючы у сацсетцы «Фэйсбук» вызваленне вязняў рэжыму Лукашэнкі.

«Я шчыра рада, што на волю выйшлі яшчэ 25 палітвязняў, — піша яна. — Жыццё кожнага чалавека бясцэннае. Але ўсё ж давайце паглядзім, што дыктатар запатрабаваў узамен? ЗША здымаюць санкцыі з двух беларускіх прадпрыемстваў — завода «Лакокраска» і канцэрна «Беллесбумпром» — і абяцаюць дапамагчы размарозіць больш за 40 мільёнаў долараў, якія з-за санкцый былі заблакаваныя ў амерыканскім Citibank. Пры гэтым гандаль беларускім каліем з ЗША ўжо аднавіўся.

Адначасова ўчора Лукашэнка прама заявіў спецпасланніку ЗША Джону Коулу, што спыняць рэпрэсіі не збіраецца: ён адмаўляе існаванне палітзняволеных і, па сутнасці, абяцае, што людзей і далей будуць пераследаваць па палітычных матывах.

У сакавіку гэтага года, нагадаю, былі вызвалены 250 палітзняволеных у абмен на зняцце санкцый з двух дзяржаўных банкаў, Мінфіна і вытворцаў беларускага калію.

Відавочна, што ўлады ЗША рыхтуюцца да прамежкавых парламенцкіх выбараў, і сёння для іх важныя любыя поспехі, але ўсё ж я чакала ад амерыканскіх перамоўшчыкаў большай цвёрдасці ў размовах з зусім абнаглеўшым дыктатарышкам. Людзей сёння магло выйсці на волю значна больш, калі б яны хаця б крыху паднажалі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com