Пашынян зрабіў рэзкую заяву пра расійскую ваенную базу

У Ерэване гатовыя абмяркоўваць вывад расійскіх войскаў.

Адносіны паміж Ерэванам і Масквой працягваюць пагаршацца. Ужо на самым высокім узроўні абмяркоўваецца вывад з Арменіі расійскіх войскаў.

Адпаведную заяву зрабіў прэм’ер-міністр Арменіі Нікол Пашынян 17 верасня, перадае Dialog.UA.

Ён адзначыў, што менавіта Расія загаварыла пра ліквідацыю расійскай ваеннай базы ў Гюмры. І, паводле слоў Пашыняна, ён з гэтай нагоды «плакаць і галасіць» не будзе. Прэм’ер выразна даў зразумець, што больш не лічыць РФ і яе войскі фактарам сілы і стрымлівання.

«Я кажу: 102-я ваенная база (Узброеныя сілы РФ — рэд.) і вераснёўскія падзеі 2022 года гэта паказалі, для бяспекі Арменіі не маюць жыццёва важнага значэння… Калі яны вырашаць вывесці — мы не будзем пярэчыць. І я наўпрост кажу: бяспецы Арменіі прысутнасць 102-й ваеннай базы нічога не дадае, і мы гэта ўбачылі падчас вераснёўскіх падзей 2022 года. Нам гэтая база не патрэбная!» — сказаў Пашынян.

Заўважым, што ў 2024 годзе Арменія пачала маштабнае выдварэнне з краіны расійскіх памежнікаў, якія там знаходзіліся з 1992-га. Уплыў Масквы на краіну імкліва слабея.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com