У наваполацкім аўтобусе «заяц» адкрыў стральбу

Канфлікт у аўтобусе Наваполацка, які ледзь не скончыўся трагедыяй, адбыўся з-за некампасціраванага талона.

Падчас праверкі праязных дакументаў кантралёру наваполацкага «аўтатранспартнага прадпрыемства № 6» маладая пара прад'явіла два некампасціраваныя квіткі, паведамляе газета «Хімік».

Кантралёр запатрабавала аплаціць штраф за безбілетны праезд. У адказ на гэта малады чалавек дастаў пнеўматычны пісталет і закрычаў, што «ўсіх тут перастраляе», зрабіў стрэл у бок кабіны вадзіцеля, «ўручную» адкрыў дзверы, выпусціў сваю дзяўчыну і пасля гэтага выйшаў сам.

Маладыя людзі затрыманыя міліцыяй. Ўзброенаму пасажыру пагражае да 10 гадоў пазбаўлення волі.