28 сакавiка 2024, Чацвер, 14:31
Падтрымайце
сайт
Сім сім,
Хартыя 97!
Рубрыкі

Сяргей Скрабец: У выпадку адмовы ў рэгістрацыі Статкевіча абвесцім байкот выбараў

56
Сяргей Скрабец: У выпадку адмовы ў рэгістрацыі Статкевіча абвесцім байкот выбараў

Пакуль у Беларусі ёсць палітвязні, удзел у выбарах немагчымы.

Паплечнікі палітвязня Мікалая Статкевіча з Беларускай сацыял-дэмакратычнай партыі (Народная Грамада) ствараюць ініцыятыўную групу для вылучэння свайго лідара кандыдатам у прэзідэнты краіны. У групу ўвойдуць не толькі чальцы партыі, але і прадстаўнікі іншых партый і грамадскіх аб'яднанняў.

Пра гэта "Радыё Свабода" паведаміў кіраўнік справамі дэмакратычнай партыі (Народная Грамада) Сяргей Скрабец.

Ён сказаў, што заканчваюцца перамовы аб супольнай працы з грамадзянскай кампаніяй "Гавары праўду!", незарэгістраванымі партыямі Беларуская хрысціянская дэмакратыя, Партыя свабоды і прагрэсу, рухам "Разам", "Маладым фронтам" і некаторымі іншымі арганізацыямі. Засталося толькі падпісаць пагадненне, праект якога збольшага гатовы, адзначыў Сяргей Скрабец:

"Першае - ствараем ініцыятыўную групу для вылучэння Статкевіча. Другое - збор подпісаў ідзе пад лозунгам: "Мы, грамадзяне Рэспублікі Беларусь, патрабуем вызвалення палітычных зняволеных Статкевіча, Аліневіча, Дзядка, Васьковіча, Пракапенкі, Рубцова і далучаемся да ініцыятыўнай групы для вылучэнні Мікалая Статкевіча кандыдатам у прэзідэнты Рэспублікі Беларусь". Трэцяе - стварэнне ініцыятыўнай групы суправаджаецца шырокай грамадскай кампаніяй "Свабоду Статкевічу і ўсім палітвязням". І самы галоўны, як мне здаецца, пункт: у выпадку адмовы ў рэгістрацыі Статкевіча - абвяшчаем байкот выбараў".

Нагадаем, збор подпісаў у падтрымку ініцыятыўнай групы Статкевіча ўжо пачала Аб'яднаная грамадзянская партыя.

Напісаць каментар 56

Таксама сачыце за акаўнтамі Charter97.org у сацыяльных сетках