Украіна зноў «закрыла» неба над РФ

У аэрапортах Масквы і Санкт-Пецярбурга затрымалі або адмянілі больш за 460 рэйсаў.

У чацвер, 29 кастрычніка, у аэрапортах Масквы і Санкт-Пецярбурга затрымалі або адмянілі больш за 460 рэйсаў на фоне атакі беспілотнікаў на Расію. Пра гэта паведамляе Telegram-канал Astra са спасылкай на даныя сэрвісу airports.ru.

Найбольш моцна абмежаванні паўплывалі на працу маскоўскіх аэрапортаў Внукава і Шарамецьева.

Паводле даных выдання «Фонтанка», аэрапорт Пулкава ў Санкт-Пецярбургу прымаў самалёты, якія не змаглі прызямліцца ў расійскай сталіцы.

Расавіяцыя адмяніла абмежаванні на палёты ў Внукаве, Дамадзедаве і Жукоўскім толькі а 06:46 па мясцовым часе. Пры гэтым затрымкі рэйсаў захоўваліся да вечара.

Паводле даных OSINT-праекта КіберБорошно, з 25 па 29 кастрычніка ў Расіі было зафіксавана 49 выпадкаў закрыцця аэрапортаў і 18 выпадкаў увядзення абмежаванняў. Усяго абмежаванні закранулі 26 аэрапортаў. Найбольш — 18 — аэрапортаў было закрыта адначасова раніцай 29 кастрычніка.

Міністэрства абароны РФ сцвярджала, што ў ноч на 29 кастрычніка і раніцай таго ж дня над 18 расійскімі рэгіёнамі і Масквой было збіта 1214 беспілотнікаў.

Расійскія ўлады таксама заяўлялі, што ў ноч на 29 кастрычніка БПЛА масава атакавалі Маскву і Маскоўскую вобласць. Паводле слоў мэра Масквы Сяргея Сабяніна, у напрамку сталіцы РФ ляцелі 613 дронаў.

Пра тое, што паветраная прастора Расіі становіцца небяспечнай для авіякампаній, страхоўшчыкаў і іншых удзельнікаў міжнародных перавозак, прэзідэнт Украіны Уладзімір Зяленскі абвясціў яшчэ 1 верасня. На наступны дзень МЗС Украіны паведаміў, што Кіеў афіцыйна папярэдзіў Міжнародную арганізацыю грамадзянскай авіяцыі пра небяспеку палётаў у Расію і заклікаў пазбягаць палётаў у Расію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com