«Гандаль з рук»: За год колькасць штрафаў павялічылася ўдвая
26- 13.12.2017, 19:12
- 19,339
Бабулі на міні-рынках даўно не даюць спакою Шорцу.
Ва ўпраўленні гандлю і паслуг Менгарвыканкама распавялі пра колькасць пратаколаў за нелегальны гандаль.
За 11 месяцаў гэтага года ў Менску склалі 1642 пратаколы за нелегальны гандаль - гэта ўдвая больш у параўнанні з такім жа перыядам летась, паведамляе «Белсат».
Адказнасць за такое парушэнне прадугледжвае арт. 12.17 Кодэкса аб адміністрацыйных правапарушэннях Беларусі. Адметна тое, што летась большасць пратаколаў складалі паводле часткі 8 артыкула, якая прадугледжвае штрафы да 8 базавых велічынь, сёлета ж большасць пратаколаў склалі па частцы 10, згодна з якой штраф складае ад 5 да 50 базавых велічынь.
Як адзначае інфармацыйны партал «Минск-Новости», за нелегальных гандляроў штрафуюць і менскія суб'екты гаспадарання, на тэрыторыі якіх адбываецца гандаль.