Ігар Ліпсіц: Расію чакае «банкапад»

Гэта рэальны сцэнар.

Расійскую эканоміку да канца года можа чакаць прыкметнае запаволенне і сур'ёзныя фінансавыя ўзрушэнні на фоне скарачэння даходаў ад энергарэсурсаў. Такое меркаванне ў інтэрв'ю выказаў эканаміст Ігар Ліпсіц у інтэрв'ю YouTube-каналу украінскага журналіста Аляксандра Дземчэнкі.

Паводле яго слоў, сітуацыя ўскладняецца праблемамі ў нафтавай галіне, якія ўжо адбіваюцца на стане бюджэту краіны.

«Да красавіка мы атрымалі жахлівыя лічбы дэфіцыту бюджэту. Цяпер гаворка ідзе пра тое, што нават высокая цана нафты нічога Расіі не кампенсуе, таму што адначасова былі скарачэнні ў нафтавай прамысловасці з-за таго, што гарэлі НПЗ, скарацілася здабыча нафты. У гэтым сэнсе цяпер расійская нафтавая індустрыя не ў найлепшым становішчы. Яна не карміцелька. Тады, адпаведна, будзе адбывацца скарачэнне фінансавання эканомікі», — адзначыў эксперт.

Ліпсіц лічыць, што пагаршэнне эканамічнай сітуацыі можа прывесці да ланцуговай рэакцыі — ад банкаўскіх праблем да паскарэння інфляцыі і далейшага спрашчэння інфраструктурных праектаў.

«Будуюць дарогі з бетонных пліт, бо рабіць іх паводле сучасных тэхналогій не могуць. На гэта ўжо не хапае грошай. Ідзе крайняе спрашчэнне і пагаршэнне ўсяго, што ёсць у Расіі. Думаю, у гэтым годзе мы ўбачым нават больш, чым я прагназую: падзенне расійскай эканомікі. Магчыма, мы ўбачым „банкапад“ і нейкія надзвычайныя меры па ратаванні банкаў, і паскарэнне інфляцыі. Гэта вельмі верагодная мадэль», — прагназаваў эканаміст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com