Лукашэнка выйшаў на сувязь з Пуціным падчас трэніроўкі па прымяненні ядзернай зброі

Дыктатар заявіў пра «агульную Айчыну ад Брэста да Уладзівастока».

Лукашэнка і Пуцін правялі відэаканферэнцыю падчас сумеснай трэніроўкі ваенных часцей па баёвым прымяненні ядзернай зброі, паведамляе БелТА.

Лукашэнка выйшаў на сувязь з пункта кіравання Міністэрства абароны Беларусі.

«У нас ёсць такая зброя, і мы гатовыя ўсяляк абараняць нашу агульную Айчыну ад Брэста да Уладзівастока. Калі нешта ёсць у нашых руках, мы павінны ўмець гэтым карыстацца», — сказаў дыктатар.

Раней сайт Сharter97.org пісаў, што Міністэрства абароны Беларусі паведаміла пра пачатак трэніроўкі ваенных часцей па баёвым прымяненні ядзернай зброі і ядзерным забеспячэнні 18 мая. Заяўлялася, што вучэнні праводзяцца ў «інтарэсах павышэння гатоўнасці Узброеных Сіл да прымянення сучасных сродкаў паражэння, у тым ліку спецыяльных боепрыпасаў».

Заўважым, вядомы амерыканскі гісторык і публіцыст Юрый Фельштынскі лічыць, што Пуцін можа нанесці ядзерны ўдар па краінах Балтыі або Польшчы з тэрыторыі Беларусі. Падобнай думкі прытрымліваецца і лідар беларускай апазіцыі Мікалай Статкевіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com