Калапс на мяжы: цяжкавікі не могуць патрапіць з Беларусі ва Украіну

На памежным пераходзе «Новая Гута» - «Ярылавічы» заблакаваная дарога.

У пункце пропуску «Новыя Ярылавічы» Чарнігаўскай мытні грамадзянамі Украіны «заблакаваная» дарога, у сувязі з чым замарудзілася мытнае афармленне транспартных сродкаў і ў беларускім пункце пропуску «Новая Гута», паведамляе гомельская газета «Маяк».

Да 17.00 20 лістапада афармленне грузавых транспартных сродкаў практычна не праводзілася: уся «нейтральная» паласа фактычна запоўнілася і аформленыя грузавікі знаходзяцца на тэрыторыі пункта пропуску.

Паводле інфармацыі Чарнігаўскай мытні з 21 лістапада рух грузавых аўтамабіляў прыпынены.