Навукоўцы: Млечны Шлях «скраў» некалькі галактык

Паводле касмічных мерках гэта адбылося не так ужо даўно.

Наша родная галактыка «скрала» некалькі карлікавых галактык, якія раней належалі Вялікаму Магеланаву Воблаку (ВМВ), усталявалі астраномы.

Гэта адбылося праз далейшае зліццё галактык, звычайнага працэсу ў Сусвеце, удакладняюць навукоўцы ў выніках даследавання, апублікаваных у Royal Astronomical Society, паведамляе mail.ru.

Факт галактычнага «крадзяжу» атрымалася ўсталяваць дзякуючы новым звесткам з касмічнага тэлескопа Gaia Еўрапейскага касмічнага агенцтва. Гэта адно з першых адкрыццяў у рамках бягучай місіі, якая адсочвае рух мільярда зорак, у тым ліку з найбліжэйшых галактык.

Каманда ўзнавіла рух зорак у кампутарнай сімуляцыі і ўбачыла, што чатыры звышслабыя карлікавыя галактыкі і яшчэ дзве, трохі буйнейшыя (карлікавая галактыка ў сузор'і Печ і карлікавая галактыка ў Кілі), калісьці былі часткай Вялікага Магеланава Воблака, але Млечны Шлях з больш моцным гравітацыйным полем здолеў «перацягнуць» сабе гэтыя структуры.

Па касмічных мерках гэта адбылося не так ужо даўно - блізу 1 млрд гадоў таму, тады як узрост усяго Сусвету складае 13,8 мільярдаў гадоў.