Таксіст з Віцебска: Заробкі кіроўцаў упалі, а нагрузкі выраслі

Кіроўцы таксовак распавялі праўду пра сваю працу.

Нашы людзі ў булачную на таксі ездзяць - у апошнія гады ў Віцебску гэта стала не раскошай, а зручным задавальненнем. Націснуў на выклік у смартфоне і за тры (ці крыху больш) рублі цябе адвязуць да кожнага ГЦ у горадзе, піша «Витебский курьер».

Ці лёгка працаваць у «канкурэнтнай барацьбе» і колькі можна зарабіць - пра гэта і не толькі журналісты запыталіся ў кіроўцаў некалькіх службаў таксовак Віцебска.

Са слоў Сяргея (служба 7220), цяпер увесь горад можна праехаць за «сапраўдныя капейкі»:

- Каб не «адставаць», кампаніі ў апошнія гады спаборнічаюць у мінімальнай стаўцы. Сёння замовіць таксоўку на 3-х чалавек ад дома да працы для многіх танней, хутчэй і зручней, чым праехаць на грамадскім транспарце. Кароткія паездкі з мінімальным тарыфам кіроўцам не выгадныя, а яны цяпер вельмі папулярныя і з гэтым нічога не зробіш. А зарабляюць таксісты па-рознаму - у асноўным, сума залежыць ад колькасці заказаў.

Іншага меркавання прытрымліваецца таксіст службы 107, запэўніваючы, што танныя тарыфы «пакідаюць іх без штаноў».

- У наш час знайсці працу не так ужо і проста. Вось і даводзіцца «гарбаціцца на дзядзьку». Цяжка, як цяпер, ніколі не было. Заробкі кіроўцаў упалі, а нагрузкі выраслі. Аднак зарабляць прыстойныя грошы ў таксі можна, але толькі на сваім аўто і працуючы не менш за 15 гадзін на дзень. Некаторыя кіроўцы запрацоўваюць за месяц і па 700 рублёў, але выкладваюцца так, што засынаюць за стырном. Адсюль так шмат выпадкаў, калі таксісты трапляюць у аварыі праз стому, - распавёў мужчына на ўмовах ананімнасці.

Каб стаць кіроўцам таксоўкі, трэба мець стаж кіроўцы, большы за 2 гады, медыцынскую даведку аб стане здароўя (такая ёсць ва ўсіх кіроўцаў). Акрамя таго, той, хто хоча прыйсці ў таксі, можа працаваць як ІП ці супрацоўнічаць з вознікам. У другім выпадку за вас усё зробіць наймальнік: будзе аплачваць падаткі, страхавыя ўнёскі ў фонд сацыяльнай абароны, страхоўку.