Лукашэнка павялічыў тэрыторыю Наваполацка амаль на 900 га

У межы горада ўключаны часткі зямель Полацкага раёна.

Кіраўнік Беларусі змяніў межы Наваполацка, уключыўшы ў межы горада частку зямель Полацкага раёна, у тым ліку гарадскога пасёлка Баравуха і пасёлка Міжрэчча. Лукашэнка падпісаў указ №73 «Аб змяненні межаў адміністрацыйна-тэрытарыяльных (тэрытарыяльных) адзінак», паведамляе прэс-служба дыктатара.

Усяго ў межы Наваполацка ўключаецца 878,0798 га зямель, у тым ліку 77 зямельных участкаў юрыдычных асоб і індывідуальных прадпрымальнікаў, 909 зямельных участкаў грамадзян.

На гэтай тэрыторыі плануюць пабудаваць 25 шматкватэрных (блізу 100 тысяч кв.м. агульнай плошчы) і больш за 470 індывідуальных жылых дамоў, аб'ектаў сацыяльнай сферы, а таксама ўладкаванне ландшафтна-рэкрэацыйных зон.