Майк Пампэа затэлефанаваў абодвум кандыдатам у прэзідэнты Украіны
2- 20.04.2019, 21:10
- 14,302
Дзяржаўны сакратар ЗША выказаў раўнацэнную падтрымку двум кандыдатам.
Дзяржаўны сакратар ЗША Майк Пампэа ў пятніцу, 19 красавіка, размаўляў праз тэлефон як з дзейным прэзідэнтам Украіны Пятром Парашэнкам, так і з кандыдатам на гэтую пасаду Уладзімірам Зяленскім, паведамляе «Главред».
«Дзяржаўны сакратар Пампэа тэлефанаваў увечары абодвум кандыдатам, каб падкрэсліць амэрыканскую падтрымку суверэнітэту і тэрытарыяльнай цэласнасці Украіны і пацвердзіў нашу прыхільнасць працы з тымі, каго ўкраінскі народ выбірае для забеспячэння поспеху бяспечнай, квітучай, дэмакратычнай і вольнай Украіны", - напісаў у Twitter спецыяльны прадстаўнік ЗША ва Украіне Курт Волкер.
Нагадаем, 19 красавіка на кіеўскім «Алімпійскім» стадыёне прайшлі дэбаты паміж кандыдатамі ў прэзідэнты Украіны Уладзімірам Зяленскім і Пятром Парашэнкам.